Яқинда "Челси"нинг америкалик вингери Кристиан Пулишич ва "Милан" ўртасида имзоланадиган меҳнат шартномаси тафсилотлари эълон қилинди.
Фабрицио Романонинг ижтимоий тармоқлари орқали хабар беришича, Пулишич аллақачон Италияда ва тиббий кўрикдан ўтишга ҳозирлик кўрмоқда.
Куннинг иккинчи ярмида томонлар меҳнат шартномасини имзолашади. Америкалик футболчининг "россонерилар" билан шартномаси 2027 йилнинг ўрталарига қадар мўлжалланган.
Кристиан ўтган мавсумда "Челси" сафида барча турнирларда 30 та ўйинда майдонга тушди. Америкалик футболчи битта гол ва иккита голли узатмани амалга оширди.