Yaqinda "Chelsi"ning amerikalik vingeri Kristian Pulishich va "Milan" o‘rtasida imzolanadigan mehnat shartnomasi tafsilotlari e’lon qilindi.

Fabrisio Romanoning ijtimoiy tarmoqlari orqali xabar berishicha, Pulishich allaqachon Italiyada va tibbiy ko‘rikdan o‘tishga hozirlik ko‘rmoqda.

Kunning ikkinchi yarmida tomonlar mehnat shartnomasini imzolashadi. Amerikalik futbolchining "rossonerilar" bilan shartnomasi 2027 yilning o‘rtalariga qadar mo‘ljallangan.

Kristian o‘tgan mavsumda "Chelsi" safida barcha turnirlarda 30 ta o‘yinda maydonga tushdi. Amerikalik futbolchi bitta gol va ikkita golli uzatmani amalga oshirdi.