"Бенфика" "Манчестер Юнайтед"нинг ҳужумчи Гонсалу Рамуш борасидаги таклифини рад этди.
CaughtOffside хабарига кўра, "қизил иблислар" пул товонидан ташқари, бразилиялик ҳимоячи Алекс Теллеснинг Лиссабон клубига ўтишини ҳам трансферга қўшмоқчи бўлган. "Манчестер Юнайтед" 22 ёшли Рамуш бўйича "Бенфика"га яна бир таклиф киритадими ёки йўқми ҳозирча аниқ эмас, аммо маълумотларга кўра, "Манчестер Юнайтед" келишувга қўшмоқчи бўлган Теллес фаолиятини "Порту"да давом эттириш вариантини афзал кўради.
Аввалроқ, "ПСЖ" Рамушнинг трансфери учун 55 миллион евро тўлашга тайёрлиги хабар қилинганди.
2022/23 йилги мавсумда ҳужумчи "бургутлар" сафида барча мусобақаларда 47 та ўйинда майдонга тушиб, 27 та гол урди ва 12 та голли узатмани амалга оширди. Унинг шартномаси 2025 йилнинг ёзига қадар мўлжалланган.
