"Манчестер Юнайтед" Жоау Феликсга қизиқиш билдирмоқда.
GOAL нашрининг ABC нашрига таяниб хабар беришича, манкунианликлар аллақачон вингернинг атрофидагилар билан алоқада бўлишган, аммо "Атлетико"га ҳозирча расмий таклиф билан чиққани йўқ. Мадрид клуби мавсумолди бошлангунга қадар португалияликни бошқа жамоага жўнатмоқчи бўлган, аммо улгурмагани боис, ҳозир у академия футболчилари билан ишламоқда.
Феликсга "Ньюкасл" ва "Астон Вилла" ҳам қизиқиш билдирмоқда, бироқ Жоаунинг Чемпионлар лигасида ўйнайдиган жамоада ўйнаш истаги бирмингемликларни трансфер имкониятидан маҳрум қилмоқда.
23 ёшли футболчига эътибор қаратаётган яна бир клуб - "ПСЖ".