"Вест Хэм" директорлар кенгаши ярим ҳимоячи Деклан Райснинг "Арсенал"га трансфери кечикиб кетганидан ғазабда. Бу ҳақда Sky Sports хабар бермоқда.
"Арсенал" ҳали келишувни якунлаш учун зарур бўлган ҳуқуқий ҳужжатларни тақдим эта олмайди. Шу билан бирга, клублар 24 ёшли футболчининг трансферини 105 миллион фунт (деярли 123 миллион евро) эвазига келишиб олишган.
Райс “Вест Хэм”нинг асосий жамоаси сафида 245 та ўйинда майдонга тушди. Уларда ярим ҳимоячи 15 та гол урган ва шерикларига 13 та голли узатма ёздириб қўйган.
Қўшимча қиламизки, Англиянинг навбатдаги чемпионати 11 август, жума куни бошланади.
