"Интер Майами" Шакирани Лионель Месси тақдимотида нутқ сўзлаш учун таклиф қилмоқчи.
Олдинроқ Месси ўзининг янги клуби учун тақдимот маросимида иштирок этишга Майамига учиб кетгани ҳақида хабарлар тарқалган эди. Аргентиналик футболчининг "Интер Майами" футболчиси сифатида тақдимоти 16 июль куни, дебюти эса 21 июль куни "Крус Асуль"га қарши ўйинда ўтказилиши режалаштирилган.
"Интер Майами" ўз твитида шу якшанба куни бўлиб ўтиши керак бўлган "катта ҳаяжонли воқеа" ҳақида эълон қилди.
"Майами" подкасти асосчиси ва бошловчиси Франко Панисонинг сўзларига кўра, клуб Шакирани, шунингдек, пуерто-риколик рэпер Бад Бунни ва колумбиялик рассом Малумани чиқишга ундашга ҳаракат қилмоқда.
Эслатиб ўтамиз, Шакира Лионель Мессининг “Барселона”даги собиқ шериги Жерар Пике билан ажрашгач, Майамига кўчиб келганди.
