"Inter Mayami" Shakirani Lionel Messi taqdimotida nutq so‘zlash uchun taklif qilmoqchi.
Oldinroq Messi o‘zining yangi klubi uchun taqdimot marosimida ishtirok etishga Mayamiga uchib ketgani haqida xabarlar tarqalgan edi. Argentinalik futbolchining "Inter Mayami" futbolchisi sifatida taqdimoti 16 iyul kuni, debyuti esa 21 iyul kuni "Krus Asul"ga qarshi o‘yinda o‘tkazilishi rejalashtirilgan.
"Inter Mayami" o‘z tvitida shu yakshanba kuni bo‘lib o‘tishi kerak bo‘lgan "katta hayajonli voqea" haqida e’lon qildi.
"Mayami" podkasti asoschisi va boshlovchisi Franko Panisoning so‘zlariga ko‘ra, klub Shakirani, shuningdek, puyerto-rikolik reper Bad Bunni va kolumbiyalik rassom Malumani chiqishga undashga harakat qilmoqda.
Eslatib o‘tamiz, Shakira Lionel Messining “Barselona”dagi sobiq sherigi Jerar Pike bilan ajrashgach, Mayamiga ko‘chib kelgandi.
