"Ювентус"нинг сербиялик ҳужумчиси Душан Влахович жамоасини ўзгартиришга қарор қилди.
Журналист Альфредо Педуглиа хабарига кўра, "бьянконерилар" ҳужумчиси ҳозирги жамоасини тарк этиб, "ПСЖ"га ўтишга қарор қилган. Хабар қилинишича, клублар футболчининг эҳтимолий трансфери бўйича ҳали келишувга эришмаган, бироқ француз гиганти бонус тўловларини ҳисобга олмаганда, 70 миллион евро таклиф қилмоқчи.
Эслатиб ўтамиз, Душан Влахович 2022 йилнинг январида "Ювентус" футболчисига айланганди. Бу даврда сербиялик барча мусобақаларда 62 учрашувда 23 та гол урди. Transfermarkt портали 23 ёшли ҳужумчининг нархини 70 миллион еврога баҳоламоқда.