“ПСЖ”ни эркин агент сифатида тарк этган испаниялик ҳимоячи Серхио Рамос фаолиятини Бразилия чемпионатида давом эттириш имкониятига эга.

Инсайдер Фернандо Крузнинг сўзларига кўра, "Фламенго" 37 ёшли футболчини сотиб олишга умид қилмоқда.

Бразилия томони аллақачон Серхио билан дастлабки музокараларни ўтказган ва унга расмий таклиф билан чиқишга ҳозирлик кўрмоқда.

Рамос сўнгги икки мавсумни “ПСЖ” сафида ўтказди. Франция жамоаси таркибида ҳимоячи 58 та ўйин ўтказиб, 6 та гол ва битта голли узатмани амалга оширган. Бунгача испаниялик футболчи 2005 йилдан 2021 йилгача "Реал" шарафини ҳимоя қилган.