“PSJ”ni erkin agent sifatida tark etgan ispaniyalik himoyachi Serxio Ramos faoliyatini Braziliya chempionatida davom ettirish imkoniyatiga ega.

Insayder Fernando Kruzning so‘zlariga ko‘ra, "Flamengo" 37 yoshli futbolchini sotib olishga umid qilmoqda.

Braziliya tomoni allaqachon Serxio bilan dastlabki muzokaralarni o‘tkazgan va unga rasmiy taklif bilan chiqishga hozirlik ko‘rmoqda.

Ramos so‘nggi ikki mavsumni “PSJ” safida o‘tkazdi. Fransiya jamoasi tarkibida himoyachi 58 ta o‘yin o‘tkazib, 6 ta gol va bitta golli uzatmani amalga oshirgan. Bungacha ispaniyalik futbolchi 2005 yildan 2021 yilgacha "Real" sharafini himoya qilgan.