"Ливерпуль" яримҳимоячи Жордан Хендерсоннинг трансфери бўйича "Ал Иттифоқ"га ўз талабларини қўйди. Саудия Арабистони жамоаси аввалроқ мерсисайдликлар сардорини текинга олишни кутганди, бироқ "скаузерлар" Хендерсонни 11,5 миллион евро эвазига сотмоқчи.

33 ёшли Хендерсоннинг "Ливерпуль" билан шартномаси тугашига яна икки йил бор. Айни пайтда футболчининг ўзи ҳам ҳафтасига 800 минг евро маош оладиган "Ал-Иттифоқ" таклифини қабул қилиш ҳақида жиддий ўйламоқда.

Янги жамоада Хендерсон "Ливерпул"нинг собиқ сардори Стивен Жеррард билан яна бирлашиши мумкин, у билан тўрт мавсум мерсисайдликлар сафида ўйнаган.