Ўз олдига жиддий мақсадларни қўйган "Насаф" таркибида давралар оралиғида ўзгаришлар бўлмоқда.
Ёзги трансфер ойнаси вақтида ҳозирча жамоага грузиялик Жаба Жигаури келиб қўшилди.
Ўйин амалиётини сақлаб қолиш учун Азиз Холмуродов ва Нодирбек Мукаров Яйпаннинг “Турон” жамоасига, Шаҳзод Акрамов ва Жавоҳир Ўтамуродов “Олимпик” жамоасига, Маҳмуд Жўрабоев “Бухоро” жамоасига мавсум сўнгига қадар ижарага берилди.
Шоҳмалик Комилов, Сардор Садуллаев, Азамат Сойибов ва Муҳаммаджон Раҳимовлар клуб билан келишган ҳолда шартномани бекор қилишди ва жамоани тарк этишди.
"Жамоамизни тарк этган барча футболчиларга кейинги фаолиятларига жамоамиз ва севимли мухлисларимиз номидан омад тилаб қоламиз", - дейилади қаршиликлар телеграм-каналиданги хабарда.
