ФИФА футбол бўйича 2022 йилги Жаҳон Чемпионатида ўйинчилар иштироки учун клубларга қанча маблағ тўлангани борасидаги ҳисоботни эълон қилди.

Унга кўра, ЖЧ—2022 якунлари бўйича “Манчестер Сити” клуби энг кўп пул ишлаб олган. Қатар мундиалидаги иштирок эвазига “шаҳарликлар” футболчилари клубга 4,6 миллион доллар даромад келтирган. Солиштириш учун, бу Африка минтақасидаги барча клубларнинг умумий даромадидан (4,57 млн доллар) кўп.

Иккинчи ўриндан “Барселона” жой олган (4,5 млн доллар), “Бавария” футболчилари клубга 4,3 миллион доллар келтирган. Шунингдек, “Реал” (3,83 млн доллар) ва “ПСЖ” (3,8 млн доллар) бу борада кучли бешликдан жой олган.

ЖЧ—2022 да энг кўп пул ишлаб олган АПЛ клублари

1. “Манчестер Сити” – 4,59 млн доллар;
2. “Манчестер Юнайтед” – 3,32 млн;
3. “Челси” – 3,25 млн;
4. “Тоттенҳэм” – 2,83 млн;
5. “Ливерпуль” – 2,4 млн;
6. “Арсенал” – 2 млн.

Ла Лига

1. “Барселона” – 4,53 млн доллар;
2. “Реал” – 3,83 млн;
3. “Атлетико” – 3,23 млн;
4. “Севилья” – 2,68 млн.

Бундеслига

1. “Бавария” – 4,3 млн доллар;
2. “Боруссия Д” – 2,47 млн;
3. “Лейпциг” – 2,19 млн.

А Серия

1. “Ювентус” – 3,04 млн доллар;
2. “Интер” – 2,29 млн;
3. “Милан” – 1,59 млн.

Лига 1

1. “ПСЖ” – 3,8 млн доллар;
2. “Марсель” – 2,1 млн;
3. “Монако” – 1,77 млн.

ФИФА умумий миқдорда 209 миллион доллар тўловни амалга оширган.

Футболчи мусобақада ўтказган ҳар бир кун учун ФИФА 10 950 доллар ажратган. Қайд этиш керак, бу пуллар фақат футболчи рўйхатдан ўтган клубга эмас, у ҳаракат қилган сўнгги икки йилдаги жамоаларга ҳам берилади.