Футбол бўйича КОНКАКАФ Олтин Кубогининг ярим финалидан ўрин олган учрашувлар Ўзбекистон вақти билан 13 июль тонгида бўлиб ўтди.

АҚШ терма жамоаси Панамага қарши баҳс олиб борди. Учрашувнинг асосий вақти нурсиз дуранг билан якунланди. Қўшимча бўлимларда ҳар икки жамоа вакиллари биттадан тўп киритишга эришди.

Пенальтилар сериясида Панама футболчилари 5:4 ҳисобидаги ғалабани қўлга киритди ва ўз тарихида иккинчи марта финалга йўлланма олди.

Иккинчи ярим финалда Мексика терма жамоаси Ямайкани 3:0 ҳисобида мағлубиятга учратди.

Финалда Мексика ва Панама терма жамоалари ўзаро тўқнаш келади. Ўйин Ўзбекистон вақти билан 17 июль тонгида бўлиб ўтади.

Мексика терма жамоаси шу вақтга қадар КОНКАКАФ Олтин Кубогида 11 марта чемпион бўлган ва бу рекорд ҳисобланади. АҚШ ҳисобида 7 та олтин медал бор. Коста-Рика (3 марта), Канада (2), Гаити (1), Гватемала (1) ва Гондурас (1) терма жамоалари ҳам мусобақада ғолиб чиқишга муваффақ бўлган.

КОНКАКАФ Олтин Кубоги
Ярим финал баҳслари
13 июль, пайшанба
АҚШ — Панама 1:1
Голлар: 0:1 – 99 Адерсон, 1:1 – 105 Феррейра.
Пенальтилар серияси — 4:5

Ямайка — Мексика 0:3
Голлар: 0:1 – 2 Мартин, 0:2 – 30 Чавес, 0:3 – 90 Алварадо.