Futbol bo‘yicha KONKAKAF Oltin Kubogining yarim finalidan o‘rin olgan uchrashuvlar O‘zbekiston vaqti bilan 13 iyul tongida bo‘lib o‘tdi.

AQSH terma jamoasi Panamaga qarshi bahs olib bordi. Uchrashuvning asosiy vaqti nursiz durang bilan yakunlandi. Qo‘shimcha bo‘limlarda har ikki jamoa vakillari bittadan to‘p kiritishga erishdi.

Penaltilar seriyasida Panama futbolchilari 5:4 hisobidagi g‘alabani qo‘lga kiritdi va o‘z tarixida ikkinchi marta finalga yo‘llanma oldi.

Ikkinchi yarim finalda Meksika terma jamoasi Yamaykani 3:0 hisobida mag‘lubiyatga uchratdi.

Finalda Meksika va Panama terma jamoalari o‘zaro to‘qnash keladi. O‘yin O‘zbekiston vaqti bilan 17 iyul tongida bo‘lib o‘tadi.

Meksika terma jamoasi shu vaqtga qadar KONKAKAF Oltin Kubogida 11 marta chempion bo‘lgan va bu rekord hisoblanadi. AQSH hisobida 7 ta oltin medal bor. Kosta-Rika (3 marta), Kanada (2), Gaiti (1), Gvatemala (1) va Gonduras (1) terma jamoalari ham musobaqada g‘olib chiqishga muvaffaq bo‘lgan.

KONKAKAF Oltin Kubogi
Yarim final bahslari
13 iyul, payshanba
AQSH — Panama 1:1
Gollar: 0:1 – 99 Aderson, 1:1 – 105 Ferreyra.
Penaltilar seriyasi — 4:5

Yamayka — Meksika 0:3
Gollar: 0:1 – 2 Martin, 0:2 – 30 Chaves, 0:3 – 90 Alvarado.