"Байер" вингери Мусса Диаби фаолиятини "Астон Вилла"да давом эттирмоқчи.
Бирмингемликлар "Байер"га 35 миллион евро ва бонуслар миқдорида расмий таклиф билан чиқишди, аммо "фармацевтлар" рад жавобини берди.
Инсайдер Фабрицио Романонинг сўзларига кўра, музокаралар давом этмоқда, келишув ҳали ҳам тузилиши мумкин.
Франциялик футболчининг ўзи аллақачон "Астон Вилла"га ўтишга рози бўлган, "Байер" эса футболчининг инглиз клубига ўтиш нияти ҳақида эшитган.
Transfermarkt экспертлари Диабининг нархини 50 миллион еврога баҳоламоқда. 24 ёшли футболчининг леверкузенликлар билан шартномаси 2025 йилнинг ўрталарига қадар тузилган.
