"Аталанта" делегацияси мавсумолди йиғинига жўнаб кетди, бу ҳақда клуб расмий сайти хабар берди.
Бергамо жамоаси бу йиғинга россиялик ярим ҳимоячи Алексей Миранчукни ҳам олиб кетган.
"Аталанта"нинг йиғини 14-22 июль кунлари Клузонда бўлиб ўтади. Ушбу сегментда жамоа маҳаллий ҳаваскор жамоалар билан иккита назорат ўйини ўтказади, шунингдек, Швейцариянинг "Локарно" клуби билан ҳам назорат баҳси белгиланган.
Ўтган мавсумда Миранчук "Торино" сафида ижара асосида ўйнади. Ярим ҳимоячи 31 та ўйинда қатнашиб, 4 та гол ва 6 та голли узатмани амалга оширган. Унинг "Аталанта" билан шартномаси келаси йилнинг ўрталарига қадар тузилган.
