"Atalanta" delegasiyasi mavsumoldi yig‘iniga jo‘nab ketdi, bu haqda klub rasmiy sayti xabar berdi.

Bergamo jamoasi bu yig‘inga rossiyalik yarim himoyachi Aleksey Miranchukni ham olib ketgan.

"Atalanta"ning yig‘ini 14-22 iyul kunlari Kluzonda bo‘lib o‘tadi. Ushbu segmentda jamoa mahalliy havaskor jamoalar bilan ikkita nazorat o‘yini o‘tkazadi, shuningdek, Shveysariyaning "Lokarno" klubi bilan ham nazorat bahsi belgilangan.

O‘tgan mavsumda Miranchuk "Torino" safida ijara asosida o‘ynadi. Yarim himoyachi 31 ta o‘yinda qatnashib, 4 ta gol va 6 ta golli uzatmani amalga oshirgan. Uning "Atalanta" bilan shartnomasi kelasi yilning o‘rtalariga qadar tuzilgan.