Ҳужумчи Ромелу Лукаку Италия А Сериясида ўйнашда давом этиши мумкин, аммо "Интер"да эмас, балки "Ювентус"да. "Нерадзуррилар" Туринга ўтиш истаги туфайли бельгиялик учун курашни тарк этгани ҳақида маълумотлар бор.
Нуфузли инсайдер Фабрицио Романо ижтимоий тармоқларда “Ювентус” 30 ёшли Лукаку учун 37,5 миллион евро ва яна 2,5 миллион евро бонус таклиф қилганини такрорлайди. Шу билан бирга, таклиф “кекса синьора” Душан Влаховични 4 августгача сота олсагина амал қилади. Бироқ, миш-мишларга қарамай, "Челси" ўйинчи алмашиш вариантига қизиқмаяпти, дея аниқлик киритади журналист.
