"Тоттенхэм" ярим ҳимоячиси Жовани Ло Чельсо "Наполи"га ўтиши мумкин.

Sky Sport Italia хабарига кўра, неаполликлар 27 ёшли аргентиналик футболчининг трансфери бўйича Лондон клуби билан аллақачон боғланишган. Қайд этилишича, Ло Чельсо Италия фуқаролигига эга ва бу унинг "Наполи"га ўтиш имкониятини оширади. Манбанинг таъкидлашича, "Наполи" ярим ҳимоячини сотиб олиш имконияти билан ижарага олмоқчи, аммо "шпорлар" футболчини сотиш ёки уни мажбурий сотиб олиш шарти билан ижарага бермоқчи.

Аввалроқ, Ло Чельсо хизматларига "Барселона", "Астон Вилла" ва "Бетис" клублари қизиқиш билдираётгани хабар қилинганди. Transfermarkt маълумотларига кўра, футболчининг нархи 14 миллион евро.