"Андижон"нинг "Равшан" клубига қарши ўртоқлик ўйинидан сўнг "Андижон" жамоаси аъзоси Суҳроб Бердиев айрим саволларга жавоб берди.

-  Суҳроб, Кулобнинг “Равшан” жамоасига қарши ўйин сизда қандай таассурот қолдирди?

-  Шиддатли ўйин бўлди. “Равшан” ҳам яхши жамоа экан. Лекин биз ўзимиз яратган имкониятларимиздан тўлиқ фойдалана олмадик. Бунинг устига биз ҳозир ёзги йиғиндамиз ва чемпионатимизга пухта тайёргарлик кўриш учун кунига икки маҳалдан машғулотларда қатнашяпмиз. Балки шу сабабли ўз ўйинимизни тўлиқ кўрсата олмадик, шекилли.

-  Дуранг ўйинга мос тушди, деб ўйлайсизми?

-  Учрашувдан келиб чиқиб айтадиган бўлсак, ўйин дурангга мос бўлди. Таъкидлаганимдек, “Равшан” ҳам яхши жамоа эканини кўрсатди.

-  Олдинги учрашув билан бу сафарги беллашув ўртасида қандай фарқларни кўрдингиз?

-  Иккала клуб ҳам ўзига хос жамоалар экан. Айтиш мумкинки, ўз услубларига эга. “Равшан” клуби бежизга ОФК Кубогида ўйнамаслигини кўрсатди.