Ҳужумчи Маркус Рэшфорд "Манчестер Юнайтед" билан муваффақиятли музокаралар олиб борди. Томонлар 2028 йилнинг ўрталарига қадар ҳисобланган янги меҳнат шартномасини имзолашга келишиб олдилар, деб хабар бермоқда Sky Sports.
Маркуснинг "қизил иблислар" билан амалдаги шартномаси келаси йил ёзида тугайди.
Рэшфорд ўтган мавсумда "Манчестер Юнайтед" сафида барча турнирларда 55 та ўйинда майдонга тушди. У 30 та гол урди ва 6 та голли узатмани амалга оширди. Ҳужумчининг трансфер нархи 80 миллион еврони ташкил қилади.