"Манчестер Юнайтед" Андре Онанадан кейин Расмус Хёйлуннга қизиқиш билдирмоқда.
Аввалроқ "манкунианликлар" камерунлик дарвозабон билан "5+1" схемаси бўйича шартнома борасида келишиб олгани маълум бўлганди. У "Интер"дан 50 миллион евро ва бонуслар эвазига келади.
"Манчестер Юнайтед" келишувдан сўнг "Аталанта" ҳужумчиси Хёйлунни сотиб олишга эътибор қаратади, деб хабар беради The Guardian нашри. Даниялик футболчи учун ҳозирча расмий таклифлар бўлгани йўқ, аммо бергамоликлар 70 миллион евро атрофида маблағ сўраши кутилмоқда.
"Манчестер Юнайтед" "Фиорентина" ярим ҳимоячиси Софьян Амрабатга ҳам қизиқиш билдирмоқда, бироқ бу позицияни мустаҳкамлаш дарвозабон ва ҳужумчи сотиб олишдан кўра устувор вазифа эмас. Агар Фред ва Донни ван де Бек кетса, бу ўринга Софьян билан шартнома имзоланади.
Онана билан шартнома имзоланиши билан "Манчестер Юнайтед" Дин Хендерсонга клубни тарк этишига ва "Ноттингем Форест" билан музокара олиб боришига рухсат бериши кутилмоқда.
