Ўзбекистон Футзал уюшмасининг расмий сайти — www.ufa.uz ўз фаолиятини бошлади.

Ўзбекистон Футзал уюшмасининг расмий сайти орқали фойдаланувчилар футзал бўйича Ўзбекистон чемпионати, Ўзбекистон Кубоги натижаларидан бохабар бўлишлари, футзал бўйича Ўзбекистон терма жамоасининг халқаро ўйинлари тўғрисида маълумот олишлари, умуман, Ўзбекистон футзалига алоқадор бўлган барча янгиликлардан бохабар бўлиб боришлари мумкин.

Ўзбекистон Футзал уюшмаси расмий сайтида Ўзбекистон терма жамоаси ва клубларининг халқаро ва ички мусобақалардаги иштироки тасвирланган видео- ва фото-архив билан ҳам танишиш мумкин. Сайтдаги галереялар мунтазам тўлдириб, янгилаб борилади. Сайтнинг «Мусобақалар» рукнида эса Ўзбекистон терма жамоаси ва клублари иштироки этадиган барча ички ва халқаро мусобақалар қамраб олинган.

«Сайт фаолияти энди йўлга қўйилгани учун, унда баъзи камчиликлар бўлиши табиий ҳол. Биз бу камчиликлар устида, шунингдек, сайтни футзал ихлосмандлари ва умуман интернет фойдаланувчилари учун қизиқарли бўлган маълумотлар билан тўлдириш устида изчил ишлаяпмиз ва ишлашда давом этамиз», - дейди ЎФУ Ахборот хизмати вакили.

Ўзбекистон Футзал уюшмаси янгиликларини расмий твиттер  twitter.com/UzFutsal орқали кузатиб бориш имкони ҳам мавжуд.