Испаниялик ярим ҳимоячи Иско "Севилья" спорт директори Рамон Мончи билан юз берган воқеа ҳақида гапирди. Ярим ҳимоячи 2022 йилнинг декабрида испан клубини тарк этганди.

"Лопетеги кетганида ва қишки трансфер ойнаси яқинлашиб қолганида, мен клубда жуда кўп ғалати нарсаларни кўрдим. Аввалига агентимга қўнғироқ қилишди ва менга хабар бермасдан янги жамоа қидиришни айтишди. Буни билиб, тўғри Мончига бордим. Мен унга айтдим: "Эшитинг, бу маълумот менга етиб келди ва мен нима бўлаётганини билмайман. Менга керак эмассан? Шуни тўғридан-тўғри ўзимга айтинг ва биз ҳамма нарсани муаммосиз ҳал қиламиз. Мен сизнинг ихтиёрингиздаман".

"Севилья" қандай иқтисодий инқирозга юз тутганини билмайман, аммо бу суҳбатдан кейин ҳаммаси изга тушиб кетди. Шундан сўнг Мончи кетмоқчи эканлигимни айта бошлади, гарчи бу ҳақиқат бўлмаса-да, менга ва агентимга ҳар куни қўнғироқ қила бошлади ва шартномани бекор қилиш учун ҳужжат имзолашга мажбур қилди. Шундан сўнг мен яна унинг олдига келиб: “Эшит, Мончи, сен менга ҳам, одамларга ҳам ҳақиқатни айтмайсан. Мен қолмоқчиман, сен эса кетмоқчиман дейсан”.

Ва шундан кейин бизда кичик жанжал юзага келди. Ҳозир мен сизга жиддий нарсаларни айтиб бераман. Мен Мончига у футбол оламида учратган энг катта ёлғончи эканлигини айтдим ва шундан сўнг у менга қақшатқич зарба берди. У олдимга келиб, томоғимдан ушлади ва атрофдагилар бизни ажратишга тўғри келди.

Тушуняпсизми, бундан кейин мен ҳеч қандай шароитда қолишни хоҳламадим. Кечирасиз, чунки мен жамоадошларим билан жуда яхши муносабатда эдим, мухлислар менга жуда яхши муносабатда бўлишди. Аммо спорт директорининг менга ҳужум қилишига чидай олмадим, лекин шу билан бирга агрессия ва ёлғон хабар тарқатгани учун ҳеч ким мендан кечирим сўрамади. Шунинг учун мен шартномани бекор қилдим ва кетдим", — деди Иско Marca нашрига.