"Наполи" ҳимоячиси Ким Мин Чже тез орада "Бавария" футболчиси сифатида таништирилади.
Немис клуби тез орада трансферни расман эълон қилади.
Футболчи 18 июль куни тиббий кўрикдан ўтди ва "Бавария" футболчини "Наполи"дан 50 миллион еврога сотиб олиш вариантини фаоллаштирди.
Кимнинг "Бавария" билан шартномаси 5 йилга мўлжалланган бўлиши керак, унга кўра у ҳар мавсумда солиқларсиз 12 миллион евро олади.
26 ёшли кореялик футболчи ўтган мавсумда “Наполи” сафида 45 та ўйинда майдонга тушиб, 2 та гол ва 2 та голли узатмага муаллифлик қилган.
