"Интер" мухлислари Хуан Куадрадонинг трансферига қарши норозилик ўтказмоқчи эди.
Аввалроқ, ёзда Турин клубини текинга тарк этган "Ювентус"нинг собиқ ҳимоячиси "Интер"га ўтишга яқин экани маълум бўлганди.
La Gazzetta dello Sport нашри хабарига кўра, душанба куни юзга яқин мухлислар "Интер" штаб-квартираси олдида "Биз Куадрадони хоҳламаймиз" деган ёзув туширилган баннерни кўтаришган.
Қайд этилишича, “Интер”нинг алоқалар бўйича директори мухлислар билан музокара ўтказган, шундан сўнг мухлислар акцияни бошламасликка қарор қилган. Жумладан, мухлисларга Куадрадо билан мавсум бошланишидан олдин учрашув ташкил қилиш ваъда қилинганди.
