"Inter" muxlislari Xuan Kuadradoning transferiga qarshi norozilik o‘tkazmoqchi edi.
Avvalroq, yozda Turin klubini tekinga tark etgan "Yuventus"ning sobiq himoyachisi "Inter"ga o‘tishga yaqin ekani ma’lum bo‘lgandi.
La Gazzetta dello Sport nashri xabariga ko‘ra, dushanba kuni yuzga yaqin muxlislar "Inter" shtab-kvartirasi oldida "Biz Kuadradoni xohlamaymiz" degan yozuv tushirilgan bannerni ko‘tarishgan.
Qayd etilishicha, “Inter”ning aloqalar bo‘yicha direktori muxlislar bilan muzokara o‘tkazgan, shundan so‘ng muxlislar aksiyani boshlamaslikka qaror qilgan. Jumladan, muxlislarga Kuadrado bilan mavsum boshlanishidan oldin uchrashuv tashkil qilish va’da qilingandi.
