FcInter1908 хабарига кўра, "Интер" испаниялик ҳужумчи Альваро Мората атрофидагилар билан музокаралар олиб бормоқда.

Агар аввалроқ 30 ёшли спортчи "нерадзуррилар" учун фақат муқобил вариант экани, миланликларнинг устуворлиги Лондоннинг "Арсенал" клубидан Фоларин Балогун бўлиб қолаётгани ҳақида маълумот берилган бўлса, энди Альваро клуб қисқа рўйхатида биринчи бўлиб турибди.

Моратанинг трансферидан Симоне Индзагининг шахсан ўзи қизиқаётгани ва футболчининг агенти билан музокаралар "Интер" қароргоҳида бўлиб ўтгани ҳақида маълумотлар бор.

Альваро Мората "Ювентус" билан икки карра Италия чемпиони ва Италия Суперкубоги ғолиби.