FcInter1908 xabariga ko‘ra, "Inter" ispaniyalik hujumchi Alvaro Morata atrofidagilar bilan muzokaralar olib bormoqda.
Agar avvalroq 30 yoshli sportchi "neradzurrilar" uchun faqat muqobil variant ekani, milanliklarning ustuvorligi Londonning "Arsenal" klubidan Folarin Balogun bo‘lib qolayotgani haqida ma’lumot berilgan bo‘lsa, endi Alvaro klub qisqa ro‘yxatida birinchi bo‘lib turibdi.
Morataning transferidan Simone Indzagining shaxsan o‘zi qiziqayotgani va futbolchining agenti bilan muzokaralar "Inter" qarorgohida bo‘lib o‘tgani haqida ma’lumotlar bor.
Alvaro Morata "Yuventus" bilan ikki karra Italiya chempioni va Italiya Superkubogi g‘olibi.