“Манчестер Сити” клубининг 29 ёшли марказий ҳимоячиси Эмерик Лапорт Испаниянинг “Атлетик” клубига қайтиши мумкин. Бу ҳақда Relevo хабар бермоқда.
Манба берган хабарга кўра, жамоасининг ҳимоя чизиғини тажрибали футболчи билан тўлдирмоқчи бўлган басклар бош мураббийи Эрнесто Вальверде Лапортанинг трансферидан шахсан ўзи манфаатдор.
Қўшимчасига маълум қилинишича, испанияликнинг ўзи ҳам Испания чемпионатига қайтишни истайди, бироқ Англия ва Италиядан ёзда унинг учун курашишга тайёр бир қанча жамоалар бор.
Лапорт 2018 йилнинг қишида "Манчестер Сити"га ўтган эди.
