"Интер" дарвозабони Андре Онана "Манчестер Юнайтед"га ўтиши мумкинлиги ҳақида гапирди.
Камерунлик футболчи бугун "Юнайтед"да тиббий кўрикдан ўтади, чунки у аллақачон шаҳарда ва кеча Миланни тарк этган. Англия томони аллақачон дарвозабон билан шахсий шартларни келишиб олган.
“Асосийси ҳалол бўлиш ва одамларга доимо ҳақиқатни айтиш. Мен ҳар доим янги қийинчиликларни қидирадиган одамман. Премьер-лигада ва "Юнайтед" каби клубда ўйнашни тасаввур қилиб бўлмайди. Барча шундай бўлишини хоҳларди. Лекин асосийси шуки, қолсам ҳам худди шундай бахтли бўлардим, чунки "Интер"да мен ҳеч қачон муаммога дуч келмаганман", - дея Онананинг сўзларини келтиради GFNI.
Аввалроқ 27 ёшли футболчи 2028 йилга қадар шартнома имзолаши ва яна бир мавсум узайтирилиши мумкинлиги ҳақида хабар берилганди.
