Франциянинг "ПСЖ" клуби етакчи футболчиларидан бирининг келажаги борасида бир қарорга келди. L'Equipe журналистларига маълум бўлишича, Париж гранди италияликни жорий трансфер ойнасида сотишга тайёр.
"Атлетико Мадрид" Верратти учун асосий даъвогар саналади. Transfermarkt маълумотларига кўра, потенциал келишув суммаси тахминан 40 миллион еврони ташкил қилади.
Франция чемпионатининг сўнгги мавсумида Марко 29 та ўйин ўтказиб, ўнта сариқ карточка олиб, бир марта майдондан четлатилган. "ПСЖ" ва Верратти ўртасидаги меҳнат шартномаси муддати 2026 йилнинг июнь ойи охиригача ҳисобланган.
