Мадриднинг “Атлетико” клуби ҳужумчи Жоау Феликснинг фаолиятини “Барселона”да давом эттириш истаги ҳақидаги сўзларига муносабат билдирди. Relevo нашри сўзларига кўра, "матрасчилар" португалнинг нутқидан жуда норози бўлишган.
“Феликснинг агенти футболчи жамоани тарк этиши учун қандай шартлар бажарилиши кераклигини билади. Айни пайтда бу ҳақда айтадиган гапимиз йўқ”, - деди Мадрид клуби расмийси.
Феликс 2019 йилда Лиссабоннинг "Бенфика" клубидан "Атлетико Мадрид"га ўтган эди. Битим 127 миллион еврони ташкил қилди. Ҳужумчи ва "матрасчилар" ўртасидаги меҳнат шартномаси муддати 2027 йилнинг ўрталаригача ҳисобланади.
