Ўзбекистон профессионал футбол лигаси 2023 йилдан бошлаб футболчи, мураббий ва расмийлар билан тузилган меҳнат шартномаларини онлайн рўйхатдан ўтказишни бошлаганди. Бу биз учун масофаларни қисқартирди. Бунгача ҳар қандай клуби вакили Лига офисига келиши шарт эди, энди эса клублар дунёнинг исталган нуқтасидан туриб онлайн базага маълумотлар юклай олмоқда.
Мавсумнинг иккинчи ярмидан бошлаб Лига комиссарлари учрашув қайдномасини тўлдиришни ҳам янги босқичга олиб чиқади. Бунгача старт лист тайёрлаш ва кейинчалик қайдномани имзолашгача бўлган вақт 30-40 дақиқани ташкил қилган бўлса, эндиликда янги турдаги лицензиялар ёрдамида қайднома онлайн тўлдирилади. Мураббий, комиссар ва ҳатто ҳакамлар ҳам ўз лицензияси орқаси онлайн имзо чекиш имкониятига эга бўлади.
Шу йилнинг январь ойидан бошлаб футбол клубларига микрочипли лицензиялар тақдим этилган бўлиб, уларда футболчи ҳақида керакли маълумотлар ўз аксини топган. Онлайн қайднома, футболчилар маълумотлари ва базаларида йилдан-йилга мукаммалаштириб борилиши кўзда тутилган. MyLeague платформаси тез орада Осиёнинг гранд мамлакатлари билан рақобатлаша оладиган даражага чиқиши кўзда тутилган.