"Барселона" Мадриднинг "Атлетико" клуби ҳужумчиси Жоау Феликс трансферини якунлаши мумкин.

Маълум бўлишича, "матрасчилар" португалияликни "Барселона"га ижарага беришга тайёр. Журналист Ману Сайнснинг фикрича, Каталония клуби молиявий қийинчиликларга қарамай, тез орада бу ҳужумчи билан шартнома имзолай олади. "Кўк-анорранглилар" аллақачон бу борада керакли рухсатни олган.

Миш-мишларга кўра, Жоау Феликснинг ижараси футболчининг маошини ҳисобга олган ҳолда "Барселона"га 25 миллион еврога тушиши мумкин.

23 ёшли футболчининг "Атлетико" билан шартномаси 2027 йилнинг июнигача мўлжалланган ва унинг трансфер нархи 50 миллион еврога тенг.