"ПСЖ" ва Франция терма жамоаси ҳужумчиси Килиан Мбаппе жорий трансфер ойнасида "Реал" сафига қўшилиши мумкин.
El Debate хабарига кўра, томонлар муваффақиятли музокаралар олиб борган ва келишув шартларини муҳокама қилган.
Манбага кўра, 24 ёшли футболчининг "қироллик" клубидаги маоши йилига 54 миллион еврони ташкил қилади.
"Реал" Мбаппенинг трансфери борасида ҳалигача келиша олмади. Мадридликлар Мбаппе учун 180 миллион евродан кўп бўлмаган пул тўлашга тайёр.
"ПСЖ" ўз навбатида трансфердан 180 миллион, қўшимча 47 миллион бонус тўлов сифатида олишни истамоқда.
Қайд этиш жоиз, Килианнинг парижликлар билан шартномаси келаси ёзда якунига етади.
