Айни кунларда Тошкентда йиғилиш ўтказаётган "Насаф" жамоаси Олмалиқнинг "Олмалиқ" жамоаси билан назорат учрашуви ўтказди.

Ушбу хабарни бизга "Олмалиқ" ПФК матбуот хизмати раҳбари Бахтиёр Ширинов телефон орқали етказди. Шунингдек бу ҳақда "Насаф" ПФК матбуот хизмати раҳбари Азиз Нурий ҳам ўзининг твиттер саҳифаси орқали хабар тарқатди.

Назорат учрашуви Олмалиқ шаҳридаги "Металлург" стадионида бўлиб ўтди. Учрашувнинг биринчи бўлимида ҳисоб очилмади. Иккинчи бўлимда учрашув бош ҳаками "Олмалиқ" дарвозасига 11 метрлик жарима тўпи белгилади, пенальтини "Насаф"нинг черногориялик ҳужумчиси Иван Бошкович бехато бажариб, жамоасини ҳисобда олдинга олиб чиқди.

Шундан сўнг "Олмалиқ" жамоаси аъзолари "Насаф" дарвозасини икки марта ишғол қилишди. Гол муаллифлари ҳам бизга таниш бўлган Носир Отақўзиев ва асли Қашқадарёлик 19-рақамдаги ўйинчиси Маъруф Муродовлар бўлди.

Назорат учрашуви

"Олмалиқ" - "Насаф" 2:1