2023 йилда Янги Зеландияда бўлиб ўтадиган аёллар ўртасидаги Жаҳон чемпионатининг маҳаллий терма жамоа ва Норвегия терма жамоаси ўртасидаги очилиш ўйини (1:0) мамлакат футболи тарихидаги энг кўп мухлис ташриф буюрган учрашувга айланди. Бу ҳақда журналист Осиф Бурхон маълум қилди.
Янги Зеландия ва Норвегия аёллар терма жамоалари учрашувига 42 137 нафар томошабин ташриф буюрди. Бу ҳолат 2017 йилда Веллингтонда ўтказилган эркаклар ўртасидаги ўйинига тегишли бўлган ташриф бўйича миллий рекордни янгилашга имкон берди. Ўшанда Перу терма жамоасига қарши ўйинга 37 034 нафар мухлис ташриф буюрганди.
Эслатиб ўтамиз, Янги Зеландия ва Норвегия учрашуви Окленддаги "Эден Парк" стадионида бўлиб ўтди. Ўйиндан олдин аёллар ўртасидаги жаҳон чемпионатининг тантанали очилиш маросими бўлиб ўтди. Шунингдек, ҳар икки жамоа ўша куни эрталаб содир бўлган отишма қурбонлари хотирасига бир дақиқалик сукут сақлашди.
