2023 yilda Yangi Zelandiyada bo‘lib o‘tadigan ayollar o‘rtasidagi Jahon chempionatining mahalliy terma jamoa va Norvegiya terma jamoasi o‘rtasidagi ochilish o‘yini (1:0) mamlakat futboli tarixidagi eng ko‘p muxlis tashrif buyurgan uchrashuvga aylandi. Bu haqda jurnalist Osif Burxon ma’lum qildi.

Yangi Zelandiya va Norvegiya ayollar terma jamoalari uchrashuviga 42 137 nafar tomoshabin tashrif buyurdi. Bu holat 2017 yilda Vellingtonda o‘tkazilgan erkaklar o‘rtasidagi o‘yiniga tegishli bo‘lgan tashrif bo‘yicha milliy rekordni yangilashga imkon berdi. O‘shanda Peru terma jamoasiga qarshi o‘yinga 37 034 nafar muxlis tashrif buyurgandi.

Eslatib o‘tamiz, Yangi Zelandiya va Norvegiya uchrashuvi Oklenddagi "Eden Park" stadionida bo‘lib o‘tdi. O‘yindan oldin ayollar o‘rtasidagi jahon chempionatining tantanali ochilish marosimi bo‘lib o‘tdi. Shuningdek, har ikki jamoa o‘sha kuni ertalab sodir bo‘lgan otishma qurbonlari xotirasiga bir daqiqalik sukut saqlashdi.