Ўтган ҳафта охирида Лионель Месси "Интер Майами" футболчиси сифатида таништирилди.
Америка жамоаси бош мураббийи Херардо Мартино Месси Лига кубоги доирасидаги навбатдаги ўйинда Мексиканинг "Крус Азуль" жамоасига қарши ўйинда дебют қила оладими, деган саволга жавоб берди.
"Леонинг дебютини инкор этмайман, лекин мен уни яна бир машғулотда кузатишим керак, шунингдек, унинг ҳис-туйғуларини кўришим керак. Худди шу нарса Бускетсга ҳам тегишли. Мен бажара олмайдиган ваъдалар беришга шошилишни хоҳламайман", - деди Мартино TyC Sports нашрига.
"Интер Майами" - "Круз Асуль" ўйини жумадан шанбага ўтар кечаси бўлиб ўтади.
