Дортмунднинг "Боруссия" клуби ўзининг расмий сайтида 30 ёшли чап қанот ҳимоячиси Нико Шульц жамоани тарк этганини эълон қилди. Томонлар ўзаро келишув асосида шартномани бекор қилишди.
Эслатиб ўтамиз, Нико Шульц 4 йил олдин "Хоффенхайм"дан "Боруссия Дортмунд"га ўтган эди. Ўшандан бери футболчи жамоа сафида Бундеслигада 40, УЕФА Чемпионлар Лигасида 10 ва Германия Кубогида 6та ўйин ўтказган.
"Сўнгги йилларда Дортмунднинг "Боруссия" жамоаси ва Нико Шульц ҳамма хоҳлагандек ривожлана олишмади. Бироқ, биз Никога спорт ва шахсий келажаги учун энг яхши тилакларимизни тилаб қоламиз" - деди "Боруссия" спорт директори Себастьян Кель.