"Байер Леверкузен" вингери Мусса Диаби фаолиятини Англия Премьер-лигасида давом эттиришига яқин. “Ан-Наср” ҳали ҳам франциялик футболчи учун курашмоқда, аммо “Астон Вилла” пойгада ғалаба қозонди. Журналист Флориан Плеттенбергнинг ижтимоий тармоқларда ёзишича, Бирмингем клуби ва Леверкузеннинг "Байер" ўртасида принципиал келишувга эришилган.
24 ёшли Диаби учун "Астон Вилла" 50 миллион евро тўлайди. Бонуслар туфайли трансфер суммаси келажакда ошиши мумкин.
Мусса Диаби “Байер” сафида 172 та расмий ўйин ўтказган. Уларда футболчи 49 та гол ва 48 та голли узатмани ҳамкорларига тақдим этган.
