Италиялик журналист Антонио Петраццуоло "Наполи" ҳужумчиси Хвича Кварацхелиянинг келажаги ҳақида маълумот берди.
"Балки келажакда "Реал Мадрид", "Барселона" ёки бошқа дунё гигант клуб Хвичани сотиб олиш ҳақида ўйлар. Аммо бу йил у албатта Неаполда қолади", - дея Петраццуолонинг сўзларини келтиради РБ Спорт.
Журналистнинг қўшимча қилишича, ҳозирда Кварацхелиянинг "Наполи" билан шартномасини узайтириши ҳақида миш-мишлар тарқалмоқда.
Янги келишувга кўра, футболчининг маоши икки баробарга оширилади, дея қўшимча қилди мутахассис.
22 ёшли грузиялик футболчининг “Наполи” билан амалдаги меҳнат шартномаси 2027 йилгача амал қилади. Transfermarkt экспертлари Кварацхелиянинг нархини 85 миллион еврога баҳоламоқда.
