"Манчестер Юнайтед" бош мураббийи Эрик тен Хаг ёзда текинга кетган жамоанинг собиқ дарвозабони Давид де Хеага миннатдорчилик билдирди.
Испаниялик посбон Эдвин ван дер Сар ўрнига келган 2011 йилдан бери "қизил иблислар" шарафини ҳимоя қилиб келаётганди.
"Давид де Хеа "Манчестер Юнайтед"да ақл бовар қилмайдиган ютуқларга эришди. Ўтган мавсумда у кучли 4-ўринни эгаллашга, Лига кубогини қўлга киритишга ва Англия кубоги финалига чиқишга катта ҳисса қўшди. Биз Де Хеадан биз учун қилган ишлари учун миннатдормиз", - деди Тен Хаг "Манчестер Юнайтед" расмий сайтига.
Де Хеа ҳозирда эркин агент ва янги клуб изламоқда.
