"Манчестер Юнайтед" бош мураббийи Эрик тен Хаг ярим ҳимоячи Бруно Фернандешни жамоанинг янги сардори этиб тайинлаш ҳақидаги қарорини тушунтирди.
Эслатиб ўтамиз, аввалроқ боғич марказий ҳимоячи Харри Магуайрга тегишли эди. Вице-сардор дарвозабон Давид де Хеа бўлиб, у аллақачон жамоани текинга тарк этганди.
"Мен Бруно Фернандешни танладим, чунки у жамоадаги ҳамма учун илҳом ва намуна манбаидир. У ўйинни жуда яхши тушунади, мен учун шундай футболчининг майдонда бўлиши муҳим.
Магуайр? Биз Харрини ҳурмат қиламиз, у жамоа учун жуда муҳим", - дея Тен Хагнинг сўзларини келтиради "Манчестер Юнайтед" расмий сайти.
