"Интер Майами" ўз сафига "Барселона"нинг кўплаб собиқ юлдузларини жалб қилмоқчи.
Ҳозирда Бразилиянинг “Гремио” шарафини ҳимоя қилаётган Луис Суарес ҳам МЛСда Лионель Месси билан учрашиши мумкин. Бу ҳақда Бразилия клуби бош мураббийи Ренато Гаучо фикр билдирди.
"Суарес - бу президентнинг қўлидаги муаммо. Улар масалани ҳал қилишади, мен эса мураббий сифатида асосий эътиборимни жамоани бошқаришга қаратишим керак. Келинг, кейин нима бўлишини кўрамиз. Албатта биз Суареснинг қолишини истаймиз. Лекин мен ҳеч нарсага кафолат беролмайман. У нима деб ўйлайди ва клуб нима деб ўйлайди, билмайман", - деди Ренато матбуот анжуманида.
Луис Суарес 36 ёшда.
