"Манчестер Юнайтед" бош мураббийи Эрик тен Хаг жамоанинг янги ўйинчилари - дарвозабон Андре Онана ва ярим ҳимоячи Мейсон Маунтнинг қобилияти ҳақида фикр билдирди.

Матбуот анжуманида тен Хаг ўзининг феъл-атвори ва қийинчиликларни енгишга тайёрлиги туфайли Онанани жамоасида бўлишни хоҳлаганини таъкидлади.

Шунингдек, мураббий ажойиб шахсият ва ўйин фазилатларини намоён этган Мейсон Маунтга ҳурматини билдирди. Маунтни "буюк шахс" деб таърифлар экан, Тен Хаг иккала футболчининг ҳам ғалаба қозониш менталитетига эга эканлигини ва қийин вазиятларда ҳам таслим бўлмаслигини таъкидлади.

"Улар нимани хоҳлашларини аниқ билишади", дея қўшимча қилди мураббий.