"Бавария" ёзда юлдуз ҳужумчи Харри Кейнни сотиб олишга умидвор. The Times хабарига кўра, Бундеслига гиганти ҳозирда "Тоттенхэм"нинг икки марта рад жавобидан сўнг англиялик футболчининг трансфери бўйича учинчи таклифни тайёрламоқда.
"Тоттенхем" Кейнни 100 миллион фунтга баҳоламоқда. Шу билан бирга, бир йил ичида ўз етакчисини текин йўқотиш хавфи Лондон клубининг музокаралар жараёнидаги позициясини юмшоқроқ қилиши мумкин.
Июль ойи охирида Кейн ўзининг 30 ёшини нишонлайди. Transfermarkt портали ҳужумчини 90 миллион еврога баҳоламоқда.
