Мюнхеннинг "Бавария" клуби собиқ бош мураббийи Юлиан Нагельсманн нега Франциянинг "ПСЖ" клубини бошқармагани маълум бўлди.
Sports Zone хабарига кўра, асосий сабаб германиялик мутахассиснинг спорт директори Луиш Кампушни ўз лавозимидан четлатилишини талаб қилгани бўлган. Нагельсманн бу лавозимда ўз номзоди Кристофер Вивеллни кўрмоқчи эди. Томонлар муроса топишга ҳаракат қилишди, аммо якунда келиша олишмади.
Эслатиб ўтамиз, испаниялик Луис Энрике Париж грандининг янги бош мураббийи этиб тайинланган эди. Мутахассиснинг "ПСЖ" билан меҳнат шартномаси 2025 йилнинг ўрталарига қадар тузилган.